طريقه عمل سمك الدنيس المقلي
طبعا الأسماك من أهم المنتجات البحرية الي كل البشر بيعتمدوا عليها كمصدر غذاء رئيسي الإنسان الأسماك ب تحتوي على الكثير من العناصر والمصادر الغذائية المهمة لصحتنا ، والأسماك ليها ميت شكل ونوع وطبعا أبرزها و أشهرها سمك الدنيس، فيعتبر سمك الدنيس اشهر الأسماك على مستوى العالم، وبينطبخ بطرق كتير جدا ، ممكن يتعمل مشوى في الفرن أو على الفحم، أو مقلي في الزيت، واكتر حاجه بتميزه طعمه الرهيب والمميز، وطبعا نكهاته الكتيره والمختلفه وهو مشهور جدا بسهولة تحضيره و من الجدير بالذكر إن سمك الدنيس من احلي واهم انواع الأسماك ومفيش اكله سمك غير وبيكون طبق رئيسي فيها دا غير أننا ممكن نقدمه بكذا طريقه مختلفه وافكار ملهاش نهايه بس النهارده هانتعلم مع بعض ازاي نعمل سمك النديس مقلي .
وفي المقال دا هانقدملكم طريقتين لتحضير سمك الدنيس المقلي
اولا : بالخل والليمون
المقادير
1: السمك هانجيب 4دنيسات ونفتح بطنهم ونضفهم كويس اووى
2:الثوم : ملعقه كبيره ثوم مهروس
3:الكمون : ملعقه صغيره ( يكون مطحون)
4: عصير ليمون. ممكن نحط معلقتين كبار أو اكتر علي حسب الرغبه
5: ملح (معلقه صغيره)
6:فلفل اسود. (نص معلقه)
7: خل (ملعقه كبيره)
8: الطحين (الدقيق )
9:زيت القلي كميه مناسبه
وبعد مانجهز المكونات نستعد. لعمل التتبيله
-اول حاجه هانحط الخل وعصير الليمون والكمون والثوم المفروم في طبق ونخلطهم مع بعض كويس
_ هانتبل السمك كويس من بره ومن جوه بالخلطه ونسيبه في التتبيلة جوه التلاجه لمده ساعه أو اكتر بس وانتي بتبلي متنسيش تقطعي السمكه بالسكينه من بره من الناحيتين علشان اللحم يتبل كويس
_ هانجيب الطحين (الدقيق)ونخلطه مع الملح والفلفل كويس
- هنشيل السمك من التتبيله ونضعه في الدقيق وننفضه جيدا ليتخلص من الدقيق الزياده (علشان ميحرقش الزيت)
_ نسخن الزيت كويس علي نار عاليه
_ نضع السمك في الزيت ونوطي النار ونسبه عشر دقائق مع التقليب علي الجانبين لحد ما يحمر ويبقي اللون ذهبي
_ويقدم ساخنا
قدميه مع
البطاطس المقليه والسلطه والأرز والطحينه وبالهناء والشفاء .
_ ثانيا سمك الدنيس المقلي بالشطه الحاره:
طريقه عمل الدنيس المقلي بالشطه الحاره
المكونات
- كيلو ونص سمك دنيس، ونضفهم كويس ونشيل الاحشاء
- عشر فصوص ثوم.
- خمس حبات ليمون.
- قرن من الفلفل الأخضر الحار
- . نص ملعقة كبيرة شطة حارة
- ملعقة كبيرة من الكزبرة مفرومه
- . نصف ملعقة صغيرة من الفلفل الأسود المطحون
- . ملعقة كبيرة من الكمون المطحون. ملعقة كبيرة من الملح
- . كوب من الدقيق الأبيض.
- الزيت للقلي.
-طريقة التحضير:
نغسل السمك كويس جدا بالماء.
نفرم فصين من الثوم
و نخلطهم مع الملح كويس ونحط ربع ملعقة صغيرة من الكمون. ونعصر لمونة واحدة على الكمون والثوم نتبل السمك كويس بالخليط من جوه ومن بره، ونحط السمك في بوله، ونسيبه في التتبيلة حوالي نص ساعة.
_ كيفيه تحضير الصلصة:
نفرم باقي الثوم الي تبقي في بوله، ونحط عليه الكزبرة، والملح، والفلفل الأسود، وال اتبقي من الكمون، والفلفل الأخضر، ونعصر باقي الليمون ونقلب المكونات مع بعض كويس اوووى، ونسيب الخليط دا عل جنب . نحط السمك في الدقيق ونغرفه فيه كويس ونجيب صنيه ونحطه فيها
نسخن الزيت الي هانقلي فيه في طاسه على نار عاليه، ونحط السمك في الزيت، نعلي النار الاول دققتين وبعدين نخفف النار تاني بعد دقيقتين، ونسيبه لمدة ست دقايق، ونغطي بغطا محكم و مناسب. نقلب السمك على الجانبين كل شويه، ونرفع النار تاني لمدة دقيقة، وبعدين نخففها لمدة ست دقائق لحد ما يستوى السمك. نشيل السمك من الزيت، ونحطه على منديل ورق لامتصاص زيت القلي منه. وبعدين نحطه ونقدمها في الأطباق ونصب على السمك الصلصة بحيث تغطيه كله. وبالهنا والشفا.